ACTIVIDADES DA SEMANA DO 1 AO 5 DE XUÑO

Ola a todos e todas!

Como sabedes, unha semana máis seguimos propoñendo actividades para que as fagades na casa. Recordade que as tarefas SE PROPOÑEN POR SEMANA, polo que vos seguimos pedindo que as vaiades facendo ao día, para que non se vos acumulen. 

A continuación, por tanto, tedes TODAS AS NOVAS PROPOSTAS para 4º de Ed. Primaria (clicade enriba de cada asignatura para acceder aos documentos de traballo):

- Lingua Galega e Matemáticas. A mestra de galego e o mestre de matemáticas continúan propoñendo as súas tarefas conxuntamente e esta semana colgaron dous documentos, pero OLLO!, SÓ tedes que facer un deles. O que se chama "Proposta para tod@s", é o que tedes que facer todos/as, pero o segundo, que se chama "Proposta para 1 alumno de 4º",  SÓ o debe facer 1 rapaz que xa está avisado. Por outra banda, os Mestres teñen decidido que non deixarán exercicios de modelo para favorecer a vosa lóxica e capacidade de reflexión.

- Lingua Castelá. O titor segue propoñendo dous documentos, pero OLLO!, SÓ tedes que facer un deles. O que se chama "Propuesta 7 para tod@s", é o que tedes que facer todos/as, pero o segundo, que se chama "Propuesta 7 para 1 alumno de 4º",  SÓ o debe facer 1 rapaz que xa está avisado.

- Inglés. O mestre de inglés esta semana realiza unha única proposta para tod@s para TODO o alumnado. Igualmente, cómpre sinalar que continúa propoñendo, por unha banda, unha folla na que especifica os obxectivos e os contidos, así como a explicación das actividades, e por outra banda, adxunta vídeos con algunhas aclaracións e PAPERS numerados, que non son máis que anexos con worksheets, answers, etc.

- Actividades complementarias. Esta semana o Mestre de Ed. Física é o que propón esta actividade OPTATIVA. Espera a vosa participación! LEMBRADE cubrir o CUESTIONARIO.

É importante volvervos sinalar que hai TAREFAS QUE DEBEDES ENVIAR A CADA UN DOS MESTRES/AS (por exemplo, mensaxes de audio, fotos das actividades...). Especifícase en cada documento que actividades debedes enviar e os medios polos que o podedes facer. Porén, volas imos pedir máis adiante tamén en papel. POR FAVOR, GARDÁDEAS NO PORTAFOLIOS!

Por último, recordámosvos novamente que podedes escribir as dúbidas que teñades na parte do blog para facer comentarios, ou por Whatsapp, correo, chamada telefónica, etc., e os mestres/as trataremos de responder o antes posible. 

Unha aperta de todos os mestres e mestras!