ACLARACIÓNS
Como a semana anterior os mestres/as de 4º de Ed. Primaria recibimos dúbidas relativas a diversos aspectos da organización que se ten acordado para este terceiro trimestre (número de asignaturas das que había propostas de traballo, horario que debía serguir cada alumno/a...), o titor decidiu escribir esta entrada no blog a modo de aclaración.
3ª AVALIACIÓN
Nestes momentos os mestres/as temos unha avaliación final ordinaria que, ao non suspenderse o curso, imos realizar. Lembrade que un aspecto é a 3ª avaliación e outro a avaliación final. Por este motivo, e despois de que salgan as instrucións da Consellería de Educación, Universidade e Formación Profesional, relativas á 3ª avaliación (que aínda non nos enviaron), reconsideraremos os criterios de cualificación fixados nas nosas programacións didácticas. De feito, en función das indicacións que recibamos por dita Consellería en relación ao carácter desa 3ª avaliación e á forma de levala a cabo, nos atoparemos nunha situación na que teremos que establecer, ou ben, uns criterios de cualificación baseados exclusivamente nas dúas primeiras avaliacións, ou ben, nas tres avaliacións.
En definitiva, cando publiquen as Instruccións mencionadas informarémosvos do xeito de avaliar neste terceiro trimestre.
ASIGNATURAS DAS QUE SE ENVÍAN ACTIVIDADES:
Os docentes de 4º de Educación Primaria proporán desde o luns 20 de abril actividades obrigatorias de carácter semanal das áreas de:
- Lingua Galega,
- Matemáticas,
- Lingua Castelá,
- Lingua Estranxeira: Inglés e Matemáticas.
Ademáis, de xeito complementario e optativo, o mestre de Ed. Física e a mestra de Música, proporán actividades de Ed. Física e de Música.
ACTIVIDADES:
As propostas de traballo que estamos envaindo son sempre de repaso e/ou de
reforzo dos contidos traballados na clase os meses anteriores, non de
continuación do currículo.
Por outra banda, cómpre especificar que as tarefas
enviadas nas áreas de Lingua Galega, Lingua Castelá, Matemáticas e Lingua
Estranxeira (Inglés) son de carácter obrigatorio para o alumnado, mentres
que as complementarias de Ed. Física e de Ed. Artística: Música son de
carácter optativo.
HORARIO SEMANAL:
En relación ao tempo de traballo diario por parte do
alumnado proponse que sexa de 2 horas diarias (salvo 1 día que sería de 3 horas coas propostas
semanais complementarias). Por tanto, atendendo ás asignaturas das que se envían propostas (expostas anteriormente) quedarían semanalmente 3 horas de Lingua Galega (LG), 3 horas de Lingua Castelá (LC), 3
horas de Matemáticas (MATE), 1 hora de Inglés (ING.) e 1 hora para actividades
complementarias (A.C.). En consecuencia, o horario que se propón sería o seguinte:
LUNS
|
MARTES
|
MÉRCORES
|
XOVES
|
VENRES
|
LG
|
LC
|
LG
|
LC
|
LG
|
MATE
|
ING.
|
MATE
|
MATE
|
LC
|
A.C.
|
