TAREFAS DA SEMANA DO 27 DE ABRIL AO 1 DE MAIO 

Ola a todos e todas!

Como estades? Esperamos que ben. Xa estamos a piques de rematar o mes de abril! 

Tal e como se vos dixo a través das chamadas e mensaxes de whatsapp, a semana pasada comezamos a propoñer actividades para que as fagades na casa. Como sabedes as tarefas PROPÓÑENSE POR SEMANA, polo que vos pedimos que as vaiades facendo ao día, para que non se vos acumulen. Aínda así, somos conscientes de que nalgúns casos na semana do 20 ao 24 de abril, uns recibíchedes tarde na casa o traballo e outros/as vístesvos un pouco superados porque non estabades afeitos a recibir e devolver realizadas as actividades. É comprensible, polo que vos animamos a que sigades pouco a pouco. Estamos seguros de que esta semana xa non vai ser así. A continuación, por tanto, tedes TODAS AS NOVAS TAREFAS para 4º de Ed. Primaria (clicade enriba de cada asignatura para acceder aos documentos de traballo):

- Lingua Galega e Matemáticas. A mestra de galego e o mestre de matemáticas continúan propoñendo as súas tarefas conxuntamente para traballar a competencia en comunicación lingüística e a competenecia matemática ao mesmo tempo.

- Lingua Castelá. O titor propón dous documentos, pero OLLO!, SÓ tedes que facer un deles. O que se chama "PROPUESTA 2 PARA TODO EL ALUMANDO", é o que tedes que facer todos/as, pero o segundo, que se chama "PROPOSTA  2 PARA 1 ALUMNO DE 4º",  SÓ o debe facer 1 rapaz que xa está avisado. 

- Inglés. O mestre de inglés continúa propoñendo, por unha banda, unha folla na que especifica os obxectivos e os contidos, así como a explicación das actividades. Por outra banda, adxunta vídeos con algunhas aclaracións e PAPERS numerados, que non son máis que anexos con worksheets, answers, etc.

-Actividades complementarias. O mestre de Ed. Física e a mestra de Música propoñen esta actividade OPTATIVA. Esperan a vosa participación! LEMBRADE cubrir o CUESTIONARIO.

Lembrade que hai TAREFAS QUE DEBEDES ENVIAR A CADA UN DOS MESTRES/AS (por exemplo, mensaxes de audio, fotos das actividades...). Especifícase en cada documento que actividades debedes enviar e os medios polos que o podedes facer. Porén, volas imos pedir máis adiante tamén en papel. POR FAVOR, GARDÁDEAS NO PORTAFOLIOS!

Por último, podedes escribir as dúbidas que teñades na parte do blog para facer comentarios, ou por Whatsapp, correo, chamada telefónica etc., e os mestres/as trataremos de responder o antes posible. 

Os mestres e mestras do colexio envíanvos de novo unha forte aperta! 

.